Regrets (11)

by: Jeffrey Paloma

Bahay-Bahayan, Tagu-Taguan

”Bakit mo sa akin binibigay ang kwistas mo? Di ba matagal mo na hindi sinusuot to? Akala ko nawala na.” sabi ko habang sinusuri ito. May lace itong stainless at medyo may kalumaan ang telang kumukubli sa isang maliit na bagay. Alam kong mahalaga ito para sa kanya dahil ilang beses kong nakita na ang bagay na ito at lubhang pinakaiingatan niya ito mula pa noong maliit kami.

”Anting-anting ko yan di ba? Hindi ko na sinusuot kasi baka masira sa pawis ko tuwing naglalaro ako ng basketball sa school.” sabay tawa niya. Akala ko'y binibiro niya ako't di ko gusto iyon kaya't umamba akong ihahagis ang bigay niya sa ilog. Nanlaki ang mga mata niya sa aking ginawa. Pinigil niya ako’t hinawakan ang kamay kong nakaamba.

Regrets (06-10)

by: Jeffrey Paloma

Si Ursula

Natulala ako nang umalis sa harap ng bintana si Kent. Parang nanigas na aking mga pisnging nakangiti.

"Magtigil ka Jarred! Magtigil ka! Hindi ka malandi at hindi ka magsisimulang lumandi ngayon." pangaral ko sa aking sarili.

Nang makapasok ng restaurant si Kent ay tinitigan ko siyang naglalakad papalapit sa amin mula ulo hanggang paa. Parang bumagal ang lahat.

Ang cute ng kanyang ipin. Ang pungay ng kanyang mga matang nangungusap na nakatingin kina Berto at Nina habang kinakawayan sila. Ang lakas ng kabog ng dibdib ko sa mga sandaling iyon lalung-lalo na nang magtapat ang aming mga titian.

Regrets (01-05)

by: Jeffrey Paloma

Si Mickey

Marahan kong iminulat ang aking mata nang magising ako ng matinis na tinig ng aking alarm clock. Tinatamad pa akong bumangon sa kama. Ang sarap ng pagkakahilata ko napakalambot kong kama na kulay puti ang cover. Gawa sa brass ang frame nito kaya't masasabi ng karamihan na may kamahalan ang presyo nito.

Tamad na tamad akong ibinalik sa aking sarili ang aking puting warmer nang mapansin ko na ang lamig sa aking kwarto. Tulad ng lagi kong ginagawa, nakatodo ang airconditioner bago ako matulog kaya ang lamig nito sa buong magdamag ay naipon na.