by: Lui
Umupo si Symon sa kama habang
nakalapat pa rin sa kanyang tainga ang cellphone. Si Gap naman ay humiga sa
tabi nito at mahigpit na yumakap sa kanyang katawan.
“What’s up, Kuya? Congrats nga pala.
Presidente ka na. Hindi na kita nakikita sa campus.”
“Thanks, Sy. Ikaw naman lagi kong
nakikita kahit saan aside sa campus. Sikat ka na!”
“Hindi naman po. Napatawag ka, Kuya?”
“Gusto sana kita imbitahing kumanta sa
General Assembly natin next Friday.”
“Really? Let me check muna, Kuya ha?
Medyo busy kasi sa mga mall tours. Magpapaalam ako.”
“That’s what Dana told me. Nasa Naga
daw kayo this Sunday?”
“Opo. Hectic masyado. So, kasama rin
si Ate Dana?”
“Of course! Kayo ang pride ng MSCA.”
“Aww.”
“Grabe, hindi pa rin ako maka-get over
nung kayong dalawa yung nasa bottom 2. ‘Yung kaba ko nun. Whew!”
---
About one month ago…
“We are down to our last four
contenders! In just a month from now, malalaman na natin kung sino ang
kauna-unahang Ultimate Diva or Ultimate Crooner ng bansa. I am Vince David, and
this is The Ultimate Sing-Off Elimination Night!”
Kabado ang apat na aspiring singers sa
backstage habang hinihintay nila ang pagtawag ni Vince at ng isa pang host sa
kanilang mga pangalan. Unang tinawag ay si Shaun Lau.
“Good luck.” Naging ka-close ito ni
Symon simula pa lang ng competition. Chinito si Shaun at matinding
kakompetensya ni Symon pagdating sa mga tilian ng mga kababaihan. Mas matangkad
ito sa kanya pero halos kaparehas lang niya ng complexion at built ng katawan.
Ang ayos ng kanyang buhok ay akala mo laging bagong gising.
“We’ll see you next week!!!” ang sigaw
ng babaeng host na partner ni Vince.
Malakas ang mga sigawan sa studio.
Nasilip ni Symon ang tatlong judges at nakita nilang masaya ang mga ito sa pagpapatuloy
ni Shaun sa kompetisyon. Magaling naman kasi talaga itong kumanta. Nasa ganoong
estado siya nang i-lead silang tatlo para lumabas sa stage. Narinig na lang
niya ang pagtawag ni Vince sa pangalan nilang tatlo.
“So, judges! We only have two spots
left para sa next week’s battle. Sino sa tingin niyo ang hindi karapat-dapat na
mapasama doon?” ang tanong ng babaeng host.
Nagkaisa ang tatlong judges na dapat
ay si Jamille Ocampo ang dapat na mapauwi sa gabing iyon dahil na rin sa hindi
kagandahang-asal na ipinakita nito sa rehearsals. Maganda si Jamille at
naili-link ito kay Symon. Kaya naman ganoon na lang ang reaction ng audience sa
desisyon ng mga judges. Hindi naman nawala ang ngiti sa mga labi ni Jamille
pero agad siyang niyakap ni Symon bilang pagpapakita ng simpatiya.
“Pero hindi namin desisyon iyon.
Desisyon iyon ng taumbayan.” ang depensa ng isa sa mga hurado.
“Exactly! Kaya naman, Jamille, samahan
mo na si Shaun sa kabilang side ng stage dahil gusto pa ng taumbayan na marinig
kang kumanta.” ang biglaang anunsyo ni Vince.
Nanlaki naman ang mga mata ni Jamille
sa narinig at agad na yumakap kay Symon. Naiwan ang huli at si Dana kasama ang
dalawang host sa gitna ng stage. Bago matapos ang gabi, isa sa kanila ang
matatanggal sa programa.
“And that leave us with the two pride
of MSCA!” Malakas na “boo” ang nangibabaw sa studio. Malamang galing ito sa mga
estudyante ng MSCA na walang-sawang sumusuporta sa dalawa. Makikita rin sa
tatlong judges ang labis na disappointment. Parehas na front-runner ang dalawa
kaya naman hindi sila makapaniwala na isa sa kanila ang matatanggal na.
Parang iyon na yata ang pinakamatagal
na limang minuto para kay Symon at Dana. Nang muling bumalik sa ere ang
programa ay magkahawak ng kamay ang dalawa.
“Good luck sa’tin!” ang kabadong sabi
ni Dana.
“Yeah. Ready na naman akong matanggal
eh. Malayo-layo na rin ang narating ko. Not bad.”
“Ako rin naman. Pag ikaw ang nanalo,
huwag mo akong kakalimutan ah.”
“Mas magaling ka sa akin, Ate. Kaya
ako ang huwag mong kalimutan.
Matapos ang usapang iyon ay sinabi na
ni Vince na si Dana ang natanggal. Matagal na nagyakap ang dalawa. Nagtayuan
ang lahat ng tao sa loob ng studio kabilang na ang mga judges. Muling kumanta
si Dana bilang pamamaalam sa programa. Isa pa ang kailangang matanggal bago ang
finale night.
Halo – Beyonce
Remember those walls I built
Baby, they’re tumbling down
They didn’t even put up a fight
They didn’t even make a sound
It’s like I’ve been awakened
Every rule I had you breakin’
It’s the risk that I’m takin’
I ain’t never gonna shut you out
Everywhere I’m looking now
I’m surrounded by your embrace
Baby I can see your halo
You know you’re my saving grace
You’re everything I need and more
It’s written all over your face
Baby I can feel your halo
Pray it won’t fade away
---
Kina Gap na natulog si Symon. Pero
maaga rin siyang umalis dahil kailangan niya pang umuwi at pupunta pa siya ng
Naga para sa isang mall tour kasama sina Dana, Shaun, Jamille at ilan pa sa mga
nakalaban sa Ultimate Sing-Off.
“Call me?”
“I will. Love you.” ang paalam ni
Symon bago halikan ang kagigising lang na si Gap.
Pagkauwi niya ay nadatnan niya ang ina
na nag-aalmusal kasama ang dalawang kapatid na sina Hanna at Maxine. Nakisalo
siya sa mga ito at nagkuwento ng mga nangyari sa mall show sa Lucena. Nakaayos
na rin ang lahat ng kanyang mga gamit para sa susunod na biyahe.
“Sabi nga pala ni Page, magche-check
in na lang daw kayo sa isang hotel dun and tomorrow morning na kayo babiyahe
pabalik ng Manila kaya naglagay na ako ng extra clothes.”
“Thanks, Mom.”
“How’s school?”
“Ok naman. Medyo mahirap lang
mag-catch up.”
“Magbawas ka kaya ng units, anak.
Tapos mag-overload ka na lang kapag tapos na ang mga mall shows niyo.”
“Iniisip ko na nga po, eh.”
“O sige. Sabihan mo agad ako. Okay
lang sa akin. Basta pumapasok ka pa rin. Ayoko lang na totally mong iiwan ang
pag-aaral.”
Nagkaroon naman ng sapat na oras si
Symon para makipag-bonding sa pamilya dahil after lunch pa siya sinundo.
Pagdating ng van ay naroon na ang lahat.
“Dito ka na.” ang sabi ni Shaun para
tumabi sa kanya si Symon.
Nagpaunlak naman ang huli at umupo sa
tabi nito. Si Dana ay nakaupo sa kanyang harapan habang si Jamille naman ay
katabi si Shaun sa kabilang side. Agad na nakipagkwentuhan si Symon kay Dana.
“Ate Dana, tumawag si President sa
akin.”
“About sa GA?” ang natatawang tanong
ni Dana.
“Oo. Gusto ko.”
“Ako nga rin eh.”
“Page, may gagawin na ba ako Friday
next week? May GA kasi kami sa school. In-invite kaming dalawa ni Ate Dana.”
ang baling ni Symon sa assistant na in-employ ng TV network para sa kanya.
“Friday? Hmm. Wala pa naman. Sabado pa
naman ‘yung last leg ng tour niyo. Anong oras ba ‘yan?”
“2PM po.” ang sagot ni Dana.
“Okay. Basta kailangan tapos na kayo
around 4-5PM. Ilalagay ko na ‘yan sa schedule mo.” ang sabi ni Page kay Symon.
“Yey. Tawagan ko na si Kuya Darrel.”
Tuwang-tuwa naman si Darrel sa
magandang balita ni Symon. Nakipagkwentuhan pa siya sandali rito at iniabot pa
ang kanyang phone kay Dana para makapag-usap din sila sandali. Natutuwa naman
si Symon dahil talagang naging okay sila ni Darrel kahit na hindi naging ganoon
kaganda ang kanilang nakaraan.
“Galing naman. Mukhang going strong
kayo, Ate?”
“Yeah. Kayo rin naman ni…”
“Shh.” ang mabilis na pagpigil niya
rito.
“Ay, sorry.” ang natatawang sabi ni
Dana.
“Sabi mo wala kang girlfriend?” ang
biglang sabat ni Shaun.
Bumaling si Symon dito at nakita
niyang tulog si Jamille sa tabi nito. Tinawanan naman ni Symon ang sinabi ni
Shaun sa kanya at mabilis na nag-isip ng alibi.
“Wala nga. Nang-aasar lang ‘yan si Ate
Dana.”
“Di nga?”
“Oo nga. Kulit nito!”
---
Inabala ni Gap ang sarili sa paglalaro
ng Xbox habang wala si Symon. Katatapos lang nila mag-usap ni Symon dahil
nakaalis na sila sa kanilang bahay at papunta na sa airport. Halos mapatalon
naman siya sa gulat nang biglang bumukas ang pinto ng kanyang kwarto.
“Pumunta ka raw sa bahay kanina?”
“James! Bakit kailangang manggulat?”
“Ay, sorry!”
“Oo. May lakad ba kayo ni Bryan
ngayon?”
“Wala naman. Bakit?”
“Wala lang. O, kamusta? Buti okay na
kayo ni Tita Lynette.”
Tumalon si James pahiga sa malambot na
kama ni Gap bago magsimulang magkuwento. Nakinig naman si Gap habang abala sa
paglalaro. Nakadapa si James sa kama ni Gap.
“Kinausap siya ni Bry kahapon.”
“Akala ko ayaw mong ipakausap kay
Bryan?”
“E ang kulit eh. Sabi ko bahala na
siya. Ayun, buti naging okay naman. Hay, ang sarap sa pakiramdam na okay na ang
lahat. Sana ganito na lang palagi.”
“Good for you. At least, nakakabawi ka
na.”
“O, ikaw. Bakit ang emo mo?”
“Hindi ako emo! Nami-miss ko lang si
Symon. Simula nung sumali siya dun sa contest, sobrang busy na siya. Pero
nakakatuwa naman. He surprised me last night. Dito siya natulog.”
“Wow!!! At least, kahit papaano,
bumabawi rin si Sy sa’yo. May nangyari na ba?” ang pangungulit ni James.
“Loko. Wala. Wala pa!”
“Grabe! Pa-tweetums kayo masyado!!!”
“Okay lang. Hindi tulad niyo.
Magkatinginan lang, ‘yun na agad.”
“OA ka. Hindi naman.”
“Sabi mo eh.” ang natatawang sabi ni
Gap.
---
Kinagabihan, matapos ang mall show sa
Naga, ay diretso sila sa isang hotel para magpalipas ng gabi. Magkasama sa room
sina Symon at Shaun pati ang dalawa pang contestants na lalaki. Habang
hinihintay na matapos mag-shower ang isa sa mga ito ay nag-stay si Symon sa
veranda habang kausap si Gap sa phone. Naputol lang ito nang lumabas din si
Shaun at samahan siya doon.
“Sige na. Later na lang ulit ha?” ang
paalam ni Symon kay Gap bago tapusin ang tawag.
“Sabi mo wala kang girlfriend?”
“Bakit ang kulit mo?” ang natatawang
tanong ni Symon.
“Sabi mo wala kang girlfriend?” ang
pag-uulit ni Shaun.
“Wala nga.”
“E ano, boyfriend?” ang pang-aasar ni
Shaun.
Kinabahan naman bigla si Symons a
sinabing iyon ni Shaun. Seryoso siyang napatingin dito at bahagyang lumapit pa
sa kanya. Nakita niya ang unti-unti ring pag-seryoso ng mukha ng taong nasa
harap niya. Biglang tumawa ng malakas si Symon. Nagulat naman si Shaun dahil
dito.
“Lakas ng trip mo ah.”
“Ang kulit mo kasi. Selos ka ba?”
“Oo! Nasasaktan ako.” ang seryosong
sabi ni Shaun.
“Seryoso ka ba?” ang tanong ni Symon
nang napawi ang ngiti sa kanyang mga labi.
Tumawa naman ng malakas si Shaun dahil
nakaganti siya agad kay Symon. Isang mahinang suntok ang ibinigay ni Symon sa
braso ni Shaun bago bumalik sa loob ng kuwarto.
Itutuloy. . . . . . . . . . .
rantstoriesetc.blogspot.com
