Halik ng Pag-ibig 21-Finale

By: Daredevil

[21]

by: Daredevil

"Hello honey" ang agad na salubong ng bisita.

"Cathy, ano ginagawa mo dito?" si Jake na umupo  rin sa sofa.

"Nandito ako para sabihin ang isang magandang balita" si Cathy na sobrang excited. Bigla naman ako kinabahan sa sasabihin ng babaeng ito.Napatingin naman ako kina Tito at Tita. Nakangiti lang sila pero kita sa mata nila ang pag-aalala.

"Jake, positive, magiging tatay ka na!" si Cathy ulit. Nabigla naman ako sa aking narinig. Nakaramdam ulit ako ng sakit lungkot pero this time mas lumala na ito. Napatingin naman sa akin si Jake. Alam kong nag-aalala siya sa akin.
"Jake, kailangan mong panagutan ang bata. Magpapakasal kayo sa lalong madaling panahon." si Tito Eddie.

Kitang-kita ko sa mukha ni Jake ang pagtanggi niya sa sinabi ng ama, pero wala na siyang magagawa pa. Ako naman lalong bumibigat ang damdamin ko sa aking mga naririnig kaya ako na mismo ang unang umalis.
"Tita, akyat po muna ako para magpahinga." pagpapaalam ko.
"Teka Dave," si Jake na balak ring sundan ako pero bigla siyang pinigilan ni Cathy.
"Honey, dito ka muna marami pa tayong pag-uusapan tungkol sa magiging baby natin" si Cathy. Paakyat na ako ng hagdan nang biglang nagsalita si Jake.
"Cathy, ayokong magpakasal sa iyo pero handa akong suportahan ang bata. Hindi ako ang karapat-dapat sa iyo dahil may mahal na akong iba" ang deretsahang sabi niya kay Cathy.

"Jake, kailangan niyong magpakasal para na rin sa kumpanya natin." si Tito Eddie.
"A...a....ano ang ibig niyong sabihin Pa? si Jake na halatang nagtaka sa sinabi ng ama.
"Anak, ang ama ni Cathy ang major investor at supporter sa kumpanya ng tatay mo.Kaya kapag tumanggi ka babagsak ang kumpanya" si Tita Edna. Mistulang bomba sa utak ko ang lahat ng mga narinig kong usapan nila. Doon na nagsimulang tumulo ang kanina ko pang pinipigilang luha. Nagmadali na akong pumasok ng kwarto at tuluyang nagmukmok.Lahat ng emosyon ko inilabas ko na sa pag-iyak.
"Bakit ganito ang nangyari, wala na ba akong karapatang maging maligaya? Ang sakit-sakit kasi e. Tuluyan nang mawawala ang taong nagbibigay ng kasiyahan sa akin. Pakiramdam ko lalo na akong nanghihina." ang mga nasabi ko sa aking sarili. Halos isang oras na akong nag-iiyak nang maisipan kong tawagan si Erika dahil wala pa si Itay.



"Hello friend, nasaan ka, kailangan ko nang kausap e" ang naiiyak ko nang sabi.
"Dave, ano problema, alam kong umiiyak ka. Sige mag-usap tayo, pupunta ako ngayon diyan sa inyo." si Erika na nag-aalala sa akin. Nagpapasalamat ako at binigyan ako ng isang kaibigan na tulad niya.
"Huwag dito friend medyo kumplikado ang sitwasyon e. abangan mo na lang ako sa labas ng gate dun na lang tayo mag-usap sa inyo." sagot ko.

"Ok sige hihintayin kita, sunduin kita diyan in five minutes." si Erika.



Nagpalit naman ako ng damit at nagsuot ng jacket. Pagkatapos ay lumabas ng kwarto. Sa hagdan nagkasalubong kami ni Jake.



"Dave, saan ka pupunta? ang mahinahong tanong niya sa akin nang makitang nakapang-alis ako.
"Jake, pwede ba huwag na tayong mag-usap at saka wala kang pakialam na kung saan ako magpunta" ang nautal kong sagot sa kanya dahil nag-umpisa na naman akong maluha.
"Dave please, pag-usapan natin ito. Alam kong may nangyari sa amin  aaminin ko nung hindi pa ako umuuwi dito. Pero di ko siya mahal maniwala ka" si Jake na humawak sa kamay ko pero agad akong bumitaw at dumeretso pababa.
"Dave, Dave, Dave pakinggan mo naman ako oh, mahal kita" ang naiiyak na niyang tawag sa akin habang sinusundan ako palabas ng gate.

Hindi ko na siya nilingon pa at  tuluyan nang sumakay sa kotse ni Erika na dumating naman sa tamang tiyempo. "Tara na friend, alis na tayo" ang utos ko sa kanya.
Papaandarin na sana ni Erika ang kotse nang biglang lumapit si Jake at pinapalo ang salamin.
"Dave, please, naman wag kang umalis, mag-usap tayo.si Jake na umiiyak pa rin.
"Erika paandarin mo na" utos ko ulit.

Nang paandarin na niya, Hinabol kami ni Jake. Nang medyo malayo na kami sa kanya, sinilip ko siya sa likod. kitang kita ko ang paglumpasay niya sa gitna ng kalsada habang sinisigaw ang aking pangalan.

DAVE!!!!!!!


Nang makarating na kami sa bahay nila, sinimulan ko nang ikwento ang lahat.


"Dave , inom ka muna ng tubig" alok ni Erika at tinabihan ako sa sofa.
"Friend, ang sakit-sakit parang hindi ko na to kakayanin e" napayakap na ako sa kanya na umiiyak.
"Dave, siguro panahon na para tanggapin mo ang katotohanan at magmove-on." si Erika na hinahaplos ako sa likod.

"Siguro nga, tanggap ko na wala talaga laban ang mga katulad ko sa babae pagdating sa pag-ibig."
"Tama, pwede bang tigilan mo na ang pag-eemote mo diyan, at may good news pala ako sa iyo." si Erika.
"Good news? wala ako sa mood para dyan"ang nasabi kong pagkawalang interes sa kung anuman ang sasabihin niya.

"Ano ka ba matutuwa ka, dapat nga sorpresa niya ito sa iyo pero dahil sa kalungkutan mo ngayon sasabihin ko na. Nagkausap kami ni Pat nung isang araw at babalik na siya ng Pilipinas!" si Erika.
"Alam ko kaya iyon malapit na kasi ang sembreak" sabi kong walang kaemo-emosyon.
"Hindi lang siya magbabakasyon, he will be staying here for good. Dito na niya pagpapatuloy ang pag-aaral niya. Sa susunod na linggo na kaya ang flight niya"
"Talaga friend kaya pala ang dalang na niya ako i-chat. Kahit papaano sumaya na ako." ang nangingiti ko nang sagot sa kanya.


Itutuloy............

allaboutboyslove.blogspot.com

[22]

by: Daredevil

Dahil sa mga nangyari, napagpasya kami ni Itay na ituloy na ang paglipat ng bahay base na rin sa mungkahi ni Erika nung gabing mag-usap kami.

Dumating na ang takdang-araw ng pagbabalik ng bestfriend kong si Pat sa Pilipinas. Kasama ko si Erika na sasalubong sa kanya sa airport. Matapos ang mahigit 30 minutong paghihintay, natanaw na namin ang kanyang pagdating. Nang makita kami agad siyang lumapit sa amin.

"Bestfriend! kumusta ka na " si Pat.

"Mabuti naman ang laki na nang pinagbago mo" sagot kong namamangha sa itsura niya.

"Oo nga Pat saka parang ang laki ng kasiyahan mo ngayon ah! May bagong lovelife ka na yata" si Erika.

"Tama ka kasama ko nga siya ngayon. Maya-maya papakilala ko siya sa inyo." si Pat. Hindi ko alam kung bakit parang affected ako sa mga narinig ko kay Pat. May bago na siyang karelasyon at masaya siya. Pero nanaig pa rin ang saya ko para sa kanya. Maya-maya may isang taong sumulpot sa tabi ni Pat.

"Bestfriend, Erika papakilala ko sa inyo si Alfred. Alfred si Erika at ang bestfriend ko si David." ang pagpapakilala niya sa amin sa isa't-isa.

"Hello guys, nice to meet you" si Alfred sabay nakipagkamaysa amin. 

"Ano pa ang hinihintay natin tara kumain na tayo" si Erika.

Nagpunta kami sa isang sikat restaurant sa Mall of Asia. Habang kumakain, pinagmamasdan ko ang kasama ni Pat. Pilipino rin pala ito, at may kagwapuhan rin.Nakikita ko rin ang madalas nilang paghahawakan ng kamay at pagsusubuan ng pagkain.

"Wow ang sweet naman nila kakainggit. Hindi katulad ng isa dito" si Erika sabay lingon sa akin. Agad ko naman siyang siniko at sinabing "Tumigil ka nga".

"Siyempre ganito naman talaga kapag nagmamahalan di ba." si Pat.

Pagkatapos kumain, naglibot-libot kami sa mall. Gabi na nang maghiwalay kaming apat. Umuwi na si Pat sa dating nilang bahay kasama si Alfred. Kami naman nagsabay ni Erika.

Nasa kwarto ako at nakahiga nang biglang may tumawag sa cellphone ko. Si Tita Edna pala ito.

"Dave, anak pwede bang dalawin mo naman si Jake dito. Nag-aalala na kami sa kanya e. Hindi na siya masyadong kumakain at laging madaling araw umuwi na lasing." si Tita na medyo naiiyak na nagsasalita.

"Tita, sana po maintindihan niyo po na para sa pamilya ninyo ang ginagawa ko. Ayoko namang maghirap kayo at makagulo sa relasyon ni Jake at Cathy." sagot ko sa kanya.

"Dave, hindi ko na alam an gagawin ko baka kung ano na ang mangyari sa kanya. Gabi-gabi rin siya nag-iiyak at nagdadabog. Nahahabag  na ako sa itsura niya" si Tita.

"Medyo naawa naman ako kay Jake pero nagdadalawang-isip pa rin ako kung dadalawin ko siya o hindi. Nagpasiya na lang akong panindigang hindi na makipagkita sa kanya para na rin sa ikabubuti ng kanilang pamilya.

"Sige po Tita titignan ko" ang nasagot ko na lang.

Pagkaraan ng halos isang oras, may tumawag ulit sa akin. Ang bestfriend ko naman ito.

"Hello Pat, bakit ka napatawag?" tanong ko sa kanya.

"Bestfriend ayos ka lang ba, alam ko na ang lahat ng nangyari sa iyo sinabi na ni Erika"

"Ganun ba" ang sagot ko. Nagsimula na ulit pumatak ang mga luha ko.

"Sinasabi ko na nga bang mangyayari ito. Nagsisisi akong pinaubaya kita sa kanya. Lagot siya sa akin" ang medyo nagagalit niyang sabi.

"Pat, tama na mas lalo mo lang gagawing kumplikado ang sitwasyon." sabi ko sa kanya.

"Huwag kang mag-alala bestfriend nandito pa rin ako para sa iyo kahit may mahal na akong iba." si Pat.

"Salamat bestfriend, maswerte talaga ako na nakilala kita." sabi kong umiiyak na.

"Bukas dadalawin kita diyan" ang sabi niya.

"Sige hihintayin kita"

Kinabukasan, sa school, pagkapasok ko ng room, una kong nakita si Mark. Pero parang may kakaiba sa kinikilos niya. Habang nagkaklase napapansin kong balisa siya at di mapakali. Nag-aalala naman ako sa kanya, kahit papaano kaibigan ko pa rin siya kahit nakagawa siya sa akin ng masama. Nagpasiya akong kausapin siya pagkatapos ng klase. Hinintay ko siya sa may lobby para sabayan.

"Mark, kamusta ka na parang balisa ka ah may problema ka ba?" ang tanong ko na nag-aalala.

"Wa...wa...wa..walaaa naman hindi lang maganda ang pakiramdam ko" ang sagot niyang hindi makatingin sa akin.

"Sure ka kaibigan mo ako, baka matulungan kita sa problema mo" sabi ko sa kanya sabay hawak sa braso. Napatingin naman siya sa akin. Nakita ko ang pagtulo ng luha sa kanyang mata na agad napunasan.

"Dave, patawarin mo ako pero kailangan ko nang umalis sige kita na lang tayo bukas" sabi niya sabay bitaw sa pagkakahawak at mabilis na naglakad palabas ng school.

Lalo akong nakaramdam ng pag-aalala sa kanya kaya naisip kong tulungan siya sa abot ng aking makakaya. Naalala ko namang bigla ang sinabi ni Pat na pupuntahan niya ako sa bahay kaya umuwi ako nang maaga. Habang naglalakad ako pauwi sa bahay nang biglang may taong nagtakip sa bibig ko. Tuluyan na akong nawalan ng malay.

Itutuloy..............

allaboutboyslove.blogspot.com

[23]

by: Daredevil

Nang magising ako, at pinagmasdan ang paligid kung nasaan ako, napansin kong pamilyar ang lugar na ito sa akin. Tama, ito ang naging kwarto ko noon na naging saksi sa aking kabiguan sa pag-ibig. Maya-maya- isang lalaki ang pumasok sa kwarto na may dalang pagkain. Nang makita ko siya napansin ko ang pagpayat niya at malamlam na mata pero nandun pa rin ang kanyang kagwapuhan. Pinabayaan na niya yata ang sarili.

"Buti at gising ka na, ito kumain ka muna oh ako ang nagluto niyan" si Jake na nakangiti at sinubuan ako ng sopas.

"Bakit ako nandito?" tanong ko sa kanya.

"Dave please, ito lang ang naisip kong paraan para bumalik ka dito at makapag-usap tayo. Sana ka namang magalit" si Jake.

"Hindi ako galit Jake, dumidistansiya lang ako sa iyo"

"Hindi Dave, umiiwas ka sa akin, pakiusap huwag mo namang gawin sa akin ito, hindi ko kaya na mawala ka"

"Iyon ang dapat Jake, magkakaroon ka na ng pamilya" 

"Papanagutan ko lang ang bata pero hanggang doon lang iyon, hindi ko mahal si Cathy."

"Pero paano ang pamilya ninyo, kung ipagpapatuloy pa nating ang ating relasyon sigurado akong maapektuhan ang negosyo at kabuhayan ninyo"

"Iyon ba ang inaalala mo, huwag kang mag-alala, makakabangon pa rin kami kahit alisin ng pamilya ni Cathy ang suporta sa negosyo ng Papa, maraming namang paraan" si Jake sabay at humawak sa kamay ko pero agad ko itong binitawan.

"Nahihibang ka na Jake, aalis na ako may naghihintay pa sa akin" sabi ko at dere-deretsong tinungo ang labas ng bahay. Umiiyak na hinahabol ako ni Jake pero patuloy pa rin ako sa paglalakad. Sinundan pa rin niya ako hanggang sa kanto. Hindi ko  pa rin siya pinapansin. Nag-aabang na ako ng masasakyan pauwi nang may isang kotse ang huminto sa harap ko.Bumaba ang sakay nito at bigla na lang sinugod si Jake at sinapak ito sa mukha.

"Gago ka, matapos kong ipaubaya sa iyo si Dave, sasaktan mo lang siya, alam mo ba sinisisi ko ang sarili ko dahil isinuko ko ang pagmamahal ko sa kanya para lang sa iyo. Wala kang kwentang tao" ang nagagalit na si Pat. Hindi naman gumanti si Jake bagkus, nagpaliwanag siya na humahagulgol.

"Sorry Patrick, inaamin ko kasalanan ko ito, tutal wala namang kwenta ang buhay ko sige, bugbugin mo pa ako at patayin na lang" sagot ni Jake. Akmang susugurin ulit siya ni Pat nang awatin ko na sila.

"Tama na yan, wala namang magbabago kahit magpatayan kayo, nangyari na e kaya ang magagawa na lang natin ay tanggapin ang kapalaran." sabi ko sa kanila. Tila nahimasmasan naman si Pat sa sinabi ko.

"Taran na best uwi na tayo" sabi niya sa akin. Agad naman akong sumunod sa kanya dahil na rin sa mga taong nakapalibot sa amin. Kahit nasa loob na ako ng kotse, naririnig ko pa rin ang kanyang boses na sinisigaw ang pangalan ko. Nang sulyapan ko siya, kita ko ang nakakahabag niyang itsura kaya nakaramdam ako ng awa. Pero kailangan ko itong tiisin para na rin sa ikabubuti ng nakararami.

Napagdesisyuan muna naming dumeretso muna sa canteen ni Itay. Habang kumakain, nag-uusap kami ni Pat at Itay.

"Bestfriend, pwede bang kalimutan mo na ang walang kwentang taong iyon" si Pat.

"Oo nga anak. nahihirapan na kasi ako kapag nakikita kitang ganyan e" si Itay.

"Hindi ganoon kadali iyon best kasi hanggang ngayon mahal na mahal ko pa rin siya." malungkot kong sagot sa kanya.

"Naiintindihan kita hayaan mo tutulungan ka namin ni Erika na makapagmove-on" si Pat.

"Salamat maswerte ko talaga at nagkaroon ako ng mga kaibigang tulad ninyo" ang sagot ko. Ngumiti lang siya saka nagpatuloy sa pagkain. Maya-maya nagring ang cellphone ko. Akmang titignan ko kung sino ang caller nang biglang agawin ito sa akin ni Pat.

"Ang mama ni Jake,sasagutin mo ba?" si Pat. Tumingin muna ako kay Itay at nang makita ko ang pag tango niya bilang pag oo ay sinagot ko na ito.

"Hello po Tita, bakit kayo napatawag?"

"Dave anak, punta ka muna dito bilis may importante kaming sasabihin sa iyo" si Tita.

"Pwede po bang ngayon niyo nang sabihin kasi hindi na ko makakabalik pa diyan sa inyo" pagtanggi ko.

"Basta pagbigyan mo na ako kahit ngayon lang please, nagmamakaawa ako" si Tita. Dahil na rin siguro sa kabaitang pinadama sa akin ni Tita nung nakatira pa kami sa kanila ay napilitan na rin akong magpunta.

Hindi ako mag-isang bumalik sa bahay nila. Kasama ko ang bestfriend ko para kahit papaano ay may umalalay sa akin baka kasi hindi ko na talaga kayanin pa ang mga susunod na eksena. Nang makarating, agad kaming kumatok sa pinto. Si Tita ang nagbukas nito.

"Mabuti naman Dave, bumalik ka at kasama mo pala ang bestfriend mo sige halika pasok kayo" si Tita.

Nang makapasok kami, nakita ko si Tito Eddie na may kausap na bisita. Nang makita ko ang taong ito,bigla akong nakaramdam ng kaba.

Itutuloy.........

allaboutboyslove.blogspot.com

[24]

by: Daredevil

"Mark! bakit nandito ka, at sino yang kasama mo?" ang may pagtatakang tanong ko sa kanya. Tumingin sila sa akin. Doon ko napansin na magkahawig silang dalawa.

"Mga iho upo muna kayo, may sasabihin sila sa inyo." si Tito Eddie. pumwesto kami ni Pat sa isang sofa katapat ng inuupuan ni Mark.

"Ano kasi, may ipagtatapat sana ako sa iyo Dave. Matagal na rin kasi akong naaawa sa iyo lalo na't nakikita ko na nalulungkot ka at nasasaktan. Yu...yung anak ni Cathy, hindi si Jake ang totoong ama nito. Bago pa sila magkakilala, naging nagkarelasyon siya sa nitong nakatatanda kong kapatid.

"Ha!!!!!" ang pagkagulat kong reaksyon. "Paano naman kayo nakakasiguro?"

Nagsalita na ang kapatid niya. Inamin naman ni Cathy sa akin ang tungkol sa pagbubuntis niya. Kaya nga nagsumikap ako na magtrabaho para suportahan ang bata. Sa katunayan, nga nadestino ako sa saudi. Pero nang sabihin sa akin ng kapatid ko ang bagay na ito, ay agad akong bumalik dito sa Pilipinas. Hindi ko matatanggap ang ginawa ni Cathy na iako sa iba ang anak namin.

Halos maguluhan na ang isip ko sa mga nalaman kong rebelasyon ngayon. Halo-halong emosyon na ang nararamdaman ko ngayon.

"Ayos ka lang ba best" si Pat sabay hagod sa likod ko.

"Oo best, medyo nagulat lang ako, huwag kang mag-alala," sagot ko sa kanya.

"Buti naman teka nga pala, nasaan na yung Cathy na iyon" tanong ni Pat sa dalawa.

"Wala na kayong dapat alalahain tungkol sa kanya, dapat kasama namin siya dito ngayon pero hindi pa siya handang humarap sa inyo. Naghahanap lang siya  ng tamang tiyempo.

"So wala na pala tayo dapat problemahin pa ayos na ang lahat, salamat na lang sa dalawang ito" ang natutuwang sabi ni Tito Eddie.

"Tama, at kapag nalaman ito ni Jake ay siguradong matutuwa iyon at magbabalik na rin siya sa dati." si Tita.

"Dave, mabuti sanang ikaw na ang  lahat kay Jake, alam ko kasing galit siya sa akin" si Mark.

"Sige kakausapin ko siya." Lahat ng lungkot ko at bigat ng damdamin ay nawala na. Ito na siguro ang daan upang magkabalikan kaming dalawa. 

"Tita, nasaan po ngayon si Jake" tanong ko kay Tita.

"Lumabas lang siya saglit, pero pabalik na siguro yon." sagot sa akin ni Tita.

"Ano pa ba ang hinihintay natin, dapat masaya tayo, tutal nakahanda na ang hapunan, tara sabay-sabay tayong kumain" yaya ni tito Eddie.

Bigla naman akong nagsalita "Hindi ba natin hihintayin muna na bumalik si Jake?" 

"Uuwi rin siya, baka nga masorpresa pa iyon pagdating niya dahil nandito ka." si Tita Edna.

Sinimulan na naming kumain ng hapunan, marami pa kaming napag-usapan ng gabing iyon. Nalaman kong mahigit 1 taon na ang relasyon nila Cathy at Bob, ang kapatid ni Mark. Kahit papaano naman ay napatawad ko na si Cathy sa mga ginawa niya. Sa kaso naman ng mga magulang ni Jake, kita ko rin ang kasiyahan sa kanila dahil hindi na maaakapektuhan ang kanilang negosyo.

Pasadong 10pm na nang umuwi ang magkapatid. Naiwan kami ni Pat para hintaying bumalik si Jake sa sala.

"Gabi na bakit wala pa siya" ang may pag-aalala ko nang tanong kay Pat.

"Dont worry darating din siya just wait" sagot ng bestfriend ko.

Lumipas na ang isang oras ngunit wala pang Jake na dumating. Lalo akong nag-alala sa kanya. Maya-maya lumapit sa amin si Tita.

"Wala pa ba si Jake, naku ano na kaya ang nangyari sa kanya?" sabi ni tita.

"Mabuti pa siguro tawagan niyo po ang mga kaibigan niya baka alam nila kung nasaan siya" suggestion ni Pat.

"Isa-isang tinwagan ni Tita Edna ang mga alam niyang kaibigan ni Jake. Ni isa sa kanila walang nakakaalam kung nasaan siya. Bigla ko namang naalala ang isang pangyayari noon. Ang ginawang paglalasing niya sa isang Bar malapit sa school. Naisip kong puntahan siya doon. Sinamahan ako ni Pat.

Pagkarating doon, kumpirmado nagpunta nga si Jake doon. Kinabahan na ako na baka may masama nang nangyari sa kanya. Naisipan naming libutin ang buong lugar, nagbabakasakaling makita siya.

Sa kotse habang nagmamaneho si Pat, patuloy pa rin ako sa pag-iisip, nagdadasal na sana ay walang mangyaring masama sa kanya.

"Bestfriend, alam kong sobra na ang pag-aalala mo, wag kang mag-alala, hindi na tayo titigil sa paghahanapsa kanya." si Pat at hinawakan ako sa kamay. Napaiyak na akong tumugon sa kanya.

"Maraming salamat at nandiyan ka para sa akin" Ngumiti lang siya sa akin. Doon ko lalong nalaman ang kahalagahan ng isang kaibigan sa oras ng pangangailangan.

Maya-maya tumawag si Tita. Agad kong sinagot ito. "Tita ano na po balita kay Jake?"

Lalo akong kinabahan nang hindi agad sumagot si Tita.

"Tita, ano po?" ang napalakas ko nang tanong. Narinig kong umiyak si Tita.

"Dave, nandito kami ngayon sa ospital" pautal na sagot ni Tita Edna.

"ANOOOO?"

Itutuloy. . . . . . . . .

allaboutboyslove.blogspot.com

[Finale]

by: Daredevil

Agad pinaharurot ni Pat ang kanyang sasakyan papunta sa sinasabing ospital ni tita. Ang nararamdaman kong pag-aalala ay lalong lumala. Tuluyan na akong umiyak. "Best, hindi ko kakayanin kapag mawala siya sa akin" ang naluluha kong pahayag kay Pat.

"Huwag kang mag-alala, alam kong makakaligtas si Jake." sagot niya. Alam kong sinabi lang niya iyon para pakalmahin ako.

Nang makarating, dali-dali kaming nagpunta sa emergency room pero hindi namin siya nakita kaya nilapitan namin ang isang nurse na nasa information.

"Excuse me po may dinala po bang pasyente dito na ang pangalan ay Jake Montecarlo." ang natataranta kong tanong.

"Ah meron po, nandun na po siya ngayon sa Rm. 404 sa fourth floor." ang sagot ng nurse.

Nagmadali kaming umakyat sa sinsabing kwartong pinagdalhan kay Jake. Buti na lang at natyempuhan namin ang elevator kaya mabilis kaming umakyat. Pagkadating sa fourth floor, agad naming nilibot ang mga aming mga mata sa mga pinto doon. Maya-maya nakita na namin ito. Kumpirmado, nakalagay ang pangalan ni Jake sa pinto na iyon. 

Hindi ko agad nagawang buksan ang pinto. Parang hindi ko kasi kakayanin ang makikita ko sa loob.Pero mas nanaig sa akin ang pag-aalala sa taong mahal ko kaya nilakasan ko na lang ang loob ko. Naiiyak pa rin akong pinihit ang doorknob.

Nang makapasok sa loob, isang kahabag-habag na Jake ang nakita ko. May benda ang kanyang ulo braso at binti habang naka dextrose. Nilapitan naman ako ng mga magulang ni Jake pati na rin ni tatay na naroroon rin.

"Nakita na lang siya ng mga taong nakahandusay sa daan na duguan. Sabi ng mga nakasaksi na nahagip siya ng isang sasakyan habang naglalakad ng lasing. Tinakbuhan lang siya ng driver." si Tita na umiiyak na rin.

"Kamusta na po ang lagay niya?" ang sunod kong tanong sa kanila.

"Kritikal ang lagay niya. Himala na lang kung magkamalay siya kaagad" sagot ni Tito Eddie.

"Kasalanan ko ito, kung noon pa lang ay bumalik na ako sa inyo, hindi na ito mangyayari pa sa kanya. Alam ko masyado na siyang nasaktan sa mga ginawa ko" ang nauutal kong sabi kay Tita habang umiiyak din.

Hinaplos naman ni tatay ang aking likod. "Anak, huwag mong sisihin ang sarili mo, hindi mo kagustuhan ang nangyari. Hindi mo rin naman kasi alam pa ang totoo noon"

Umiiyak pa rin akong nilapitan si Jake at humawak. "Jake, bakit nangyari sa iyo ito?  Patawarin mo ako kung sinaktan ko ang damdamin mo. Ako ang may kasalanan kung bakit nangyari sa iyo ito e. Sana naman ay magising ka na. Gusto na kitang makitang maging masaya ulit lalo na sa magandang balitang sasabihin ko sa iyo. Promise ko sa iyo na hindi na kita iiwan muli. I love you so much Jake." Pagkatapos noon ay niyakap ko na siya at tuluyan nang humagulgol, ang lahat ng aking emosyon ay inilabas ko na. Basang-basa na ang suot niyang puting damit sa mga luha ko.

Ilang segundo rin ako na nasa ganoong sitwasyon nang biglang may humaplos sa ulo ko at nagsalita. "Promise mo yan ha"

Sobrang nagulat ako nang lingunin ko kung sino ito. Si Jake na nakangiti sa akin. Maya-maya narinig ko na ang mga tawanan ng mga magulang niya pati ni tatay.

"Galing ng eksenang ito, para akong nanonood ng teleserye." si tita.

"Ibig sabihin nito wala talagang nangyari sa iyo" ang nagtataka ko nang tanong kay Jake.

"Oo naman, tignan mo pa ang buong katawan ko" sagot niya sabay tanggal ng lahat ng mga nakalagay at nakakabit sa katawan. 

"Ikaw talaga, niloloko mo lang ako ha. ang nasabi ko na lang sa kanya.

"Pati kayo pinagkaisahan ninyo ako" ang medyo tampo kong baling kina tatay, Tita Edna at Tito Eddie.

"Ako ang nakaisip nito at natutuwa ako dahil sobrang effective. Pero yung sinabi mo ha promise mo yan sa akin" si Jake.

Maya-maya umupo siya, nilapit niya ang kanyang mukha sa akin at binigyan niya ako ng isang smack sa labi.

"I love you Dave" ang nakangiti niyang sabi pagkatapos noon.

Niyakap ko na lang siya na naluluha pa rin. Pero this time tears of joy na ito.

"Hay ang saya naman nila" ang masaya nang sabi ni Tita.

"Oo nga kaya bukas na bukas din magcecelebrate tayo."si Tito Eddie.

"At magluluto ako ng mga masasarap na pagkaing ihahanda" si Tatay.

Lumapit si Pat sa amin at nagsalita. "Pare, pangalawang pagkakataon mo na ito. Sana hindi na maulit pang masaktan ang bestfriend ko sa iyo"

"Pangako pare, aalagaan ko at mamahalin ng buong puso ang bestfriend mo" sagot ni Jake. Nagkamayan silang dalawa.

Sinabi na rin sa akin ni Jake na alam na rin niya ang totoo. Nag-usap na pala sila ni Cathy nang gabi ring iyon. Kaya pala hindi siya kasama nina Mark at ng kapatid niya. Agad niya akong pinuntahan sa tinitirhan namin para sabihin ang magandang balita. Nalaman niya kay tatay na nagpunta ako sa kanila kaya dali-dali siyang bumalik sa bahay nila. Doon ikinuwento ng mga magulang niya ang lahat ng pinag-usapan namin. Dahil sa alam na naming pareho ang totoo ng mga oras na iyon, ito ang naisip na plano ni Jake. Siguro para mailabas ko ang lahat ng saloobin ko sa kanya pati na rin ang malaman niya ang mararamdaman ko kung sakaling tuluyan na siyang mawala.

Kinabukasan, agad nagdaos ng isang party ang pamilya nina Jake. Habang busy ako sa pag-eentertain ng mga bisitang inimbita ni Tito Eddie, nilapitan  ako nina Erika, kasama si Pat, ang kanyang partner pati si Mark. Nag-usap kami sa isang mesa.

"Buti naman at nakarating kayo, ikaw Mark bakit hindi mo kasama ang kapatid mo at saka nasaan si Cathy?" tanong ko agad.

"Ah magkasama na sila ngayong dalawa. Hindi ko alam kung saan nagpunta e" ang nahihiyang sagot ni Mark.

"Ah ok, salamat sa pagdalo Mark." ang nakangiti kong pahayag.

"Wow naman ang saya mo na ngayon friend, natupad na rin sa wakas ang pangarap mo. Napasaiyo na campus heartrob na pinagpapantasyahan mo noon pa." si Erika.

"Tama ka, sobra na ang kaligayahan ko ngayon, wala na akong maihihiling pa" ang nakangiti kong sagot sa kanya.

"Kaya magdo double honeymoon tayo." ang biglang sabat ni Jake na nasa likod ko pala. Yumakap siya sa akin nang patalikod.

"Anong sinasabi mong double honeymoon?" ang tanong ko na nagtataka.

"Idea ito ng bestfriend mo, ang maghoneymoon tayo sa Hawaii." si Jake. Napalingon naman ako kay Pat at sa partner niya.

"Tama siya, para na rin makapagpahinga ang utak ninyo. Aalis tayo sa friday, mga tatlong araw lang tayo doon para hindi kayo makapag-absent." si Pat.

Sasagot sana ako nang may lumapit sa aming mga grupo ng kalalakihan. Namukhaan ko ang mga ito. Mga kaklase pala ito ni Jake noong high school.

"Wow pare, congrats sa inyong dalawa" sabi ng isa.

Tumayo na siya mula sa pagkakayakap sa akin at hinarap ang mga bagong dating."Salamat mga pare"

"Pero alam mo hanggang ngayon, hindi pa rin ako makapaniwala sa mga nangyari sa iyo. Akalain mo ba namang kayo pa ang nagkatuluyan." sabi ng katabi niyang lalaki.

"Ewan ko ba mga tol, talagang tinamaan ako dito kay Dave e hindi ko maipaliwanag." ang nakangiting sagot ni Jake.

Maya-maya tinawag na kaming lahat ni Tita para kumain.

Gaya ng napagplanuhan, tinuloy namin ang double honeymoon sa Hawaii. Namasyal kami sa magagandang tanawin at beaches na naroroon. Siyempre hindi mawawala ang aming mga private moments tulad ng "sex" hehehe.

Sa bahay na ulit kami ng mga Montecarlo nakatira dahil sa pamimilit ni Jake. Tatlong taon ang lumipas, dahil sa pagpupursige sa pag-aaral sa tuling ng tutorial namin ni Jake, natapos ko na ang kursong nuirsing at kasalukuyang naghahanda para sa board exams. Si Jake naman ay tuloy pa rin, tatlong taon pa siya bago makapagtapos. ang kurso kasi niya na pagdodoktor ay pitong taon.

Hindi pa rin mawawala sa amin ang tampuhan. Pero agad namin pinag-uusapan ito para maayos agad. Minsan kapag alam niyang galit ako sa kanya, dinadaan niya ako sa pagkasweet niya. Nandiyan yung binibigyan niya ako ng chocolates, hinahalik-halikan at kinikiliti. siyempre ako naman bibigay agad dahil sa pag-ibig ko sa taong ito.

Pinangako namin sa isat isa na kahit anumang pagsubok ang darating sa amin ay lakas loob naming haharapin dahil ito ang susukat sa tatag ng aming pagsasamahan.  Pilit rin naming ipaglalaban ang aming pagmamahalan kahit mali ito sa pananaw ng lipunan. Ang mahalaga ay wala kaming nasasaktan o naaagrabayadong tao.

-----Wakas-----

allaboutboyslove.blogspot.com